唔好彩的同學

尋日有個同學去左禮堂練琴，之後見到麻煩校長，比佢問長問短，又問form幾又問有冇問過老師又問點解要係度彈琴，之後個同學果陣食緊香口膠，即刻比佢話無禮貌，事後個同學話聞到佢個口好臭lol

呢d校長唔係關心同嚴格，係八卦同埋無理，點解食香口膠講野等於無禮貌，係咪表示唔食香口膠大聲講野會有禮貌d? 洗唔洗沖埋茶添呀? XD

重有之前有個同學比佢捉左去校長室(隨機抽) 之後又係問長問短，又叫佢承諾會比心機讀書-.-

佢校長個位係點得返黎，講一句就會聽，佢識摧眠術?

聽d老師爆料話佢之前係社工，做過好多間學校校長，又唔知讀過d咩course咁，又話佢最驚就係比家長罵丶投訴，樣樣野都係迎合家長，但就攪到d學生好唔方便囉!
有一次學校活動有d人早走左，空左幾張椅，佢係度怪d老師，話點解多左架?但又唔肯移開佢，死都要搵個老師坐係樹...

之後free lesson又局住人要上圖書館 但其實圖書館唔夠位，個librarian又煩唔比人拿書包入去，叫人放係locker度，但個locker係冇鎖+唔夠位!! 佢驚d人係課室會打架，但其實librarian都管我地唔掂，佢連d低form都攪唔掂!

佢點做社工，還是做唔到先做校長，咁基本嘅事都唔明白，佢已假設個個都好乖好聽話。
我中學果都無lock，多人都係唔夠位，或者佢覺得有人睇住會安全d掛，即係有咩事有人出黎解釋，重有果個一嘈真係好嘈，就算叫靜都唔夠一分鐘又爆，佢估d人入圖書館就睇書架咩。
做過好多間校長，係咪因為佢俾人炒左咁解? 一個校長可以做好多間都幾難得
佢呢家要保住自己飯碗，佢對家長好係應該，家長滿意就乜都唔驚。可惜佢忘記左佢嘅職責係管理學校，係包括學生關係同同事關係，佢做過社工咪唔知咩叫良好溝通? 講兩句廢話就可以令學生聽話，機會率近0%，佢同學生講果d係要求唔係溝通，好地地叫人入校長室已經錯!! 果個學生以為自己做左咩事咁，見校長通常都唔少野感覺，就如見訓導一樣，入到去乜都話好架啦，重要個同學唔係自願入去果下先大錯!! 我入到去嘅話，我會諗"我同你好熟呀? 講咁多野做乜? 有野都唔會同你分享啦嘛~"，傾就食飯果時搭傘傾，起馬扮晒野同d學生熟，不論學生同老師，都會同你傾幾句，唔啱傾下次咪去第枱，起馬有平級嘅感覺，又唔係要見心理補導，呢d做社工都唔知，佢做咩社工架，執文件?
話知佢識英文、法文、普通話啦，唔識管理好心唔好做校長扮晒野，只會覺得為左份糧架即。

講得好lol 無啦啦單獨叫人入校長室 都唔知想點
好在我對多佢幾個月就走，form one果d就真係慘，同埋我feel到d老師好大壓力!

又走啦? 又俾人炒? XD

係我走唔係佢走XD

form 7 study leave

I see~ 恭喜真紅蓮~