今日open day又幫手

今日學校open day俾人拉左去幫手，本來有人叫我去幫手監考比賽重有錢收，可惜佢遲左一個星期搵我，我嘅工作係open day前同當日，學校周圍貼board，當日就係介紹同埋協助 (雖然我主要係帶人地去吸印，因為唔同room有唔同印，去晒吸啱晒就有獎抽)...
今日好彩多數時段都唔多人，跟住有個大西裝肥仔，重高過我，樣唔似細路，見到我有份睇果間房好high咁攞黎玩，我間有幾把模型BB彈槍同一把真嘅武士刀，係介紹動畫動作物理之類，刀係同學借用不過未開風，槍當然係無彈，好彩果時我果班有四個人之外，第班有六個睇住，同埋呀sir睇住，個大肥仔係度講野勁勁勁大聲，果間房等於差唔兩三個中學班房咁大，真係超級收音佢把聲，跟住又好high咁叫佢老豆影相，係咁攞d槍黎玩，跟住佢父親覺得唔好意思，呀sir係笑住唔知俾咩反應，只好睇住佢小心d，好彩佢父親係咁叫佢走先走，之後都小朋友黎，不過佢地正常果個大肥仔好多，佢地都係攞黎行個圈扮射跟住放返低~
跟住輪班放飯之後，得返我地四個第組人放飯，以為無乜人，點知無幾耐兩個走左三個入，三個走左五個入... 跟住miss又帶左幾個舊生黎睇，跟住miss們同舊生們就喺門口傾計，阻住唔少人想入 ，諗住佢地阻好耐，點知半個鐘後又開始有人入，諗住就收工yeah，之後教3D果個MISS真係woo~ 帶住十幾二十個學生入黎，我諗佢地係未來嘅師弟~ miss講完先知道，我地間房基本上係重點推介區，咁的確果間房所有嘅機器總價百萬港元以上，有d係美國運黎不過真係好勁，所以真係好貴...