副院長的突擊 (變了同人小說? XD)

今日返學又要返早，跟住遲左半個鐘，返到課室見到有個西裝呀叔跟住同呀sir傾緊咁，無啦啦西裝友叫我果去，後尾先知係副院長。

佢話：同學你遲到喎，招呼都唔打聲嘅? 過過黎先~
我繼續無聲行過去，保持笑容。(心諗：唔通上上下堂無啦啦返黎打招呼呀? 有冇問題呀你? 萬一我打左又話我打斷上課咁點算呀? 我鬼知你係咪傾緊計定呆企緊? 副院長先生你呢個問題係咪太矛盾?)
佢問：你成日遲到架?
我話：我好少遲到架喎...
佢話：遲左成半個鐘? 係咪火車撞左所以遲咁多? (扮幽默)
我話：唔係呀，我係坐巴士，跟住再轉車
佢又話：遲到半個鐘喎

當時笑容變淡，開始唔想講野，我驚開口唔知講左咩出黎，見係呀sir好人已經俾面佢。(心諗：你咁關心，咁你打去問點解半班同學無返啦~ 遲到好似受刑咁，真係後悔點解早左返... 我個fd重遲多十分鐘，咁啱條友走左)
(唔知有冇聽錯，佢呢句細聲左)佢話：遲到咁耐第時做唔到紀律部隊架啦喎
我繼續用眼神望實佢。(然後心諗：where am i? 我入錯課室了嗎? 還是我報錯了course?)

跟住講左d偉大嘅道理，大約係講第時返工點算呀，跟住一堆差唔多野對白，我果時繼續望實佢，對白之前我嘅表情由中等至凶狠，正當我就凶狠嘅時候，第二同第三位受害者入黎，然後我就聽返之前嘅對白一次，佢真係好野，背返晒一模一樣，我絕對唔係否認佢嘅道理，而係不滿佢嘅態度，佢可唔可以友善少少，遲到唔係殺左人，雖然佢嘅聲浪就唔係好惡，咁關心我地前途，你即刻打晒去俾無返果半班丫!

果個男同學同女同學差d喊呀，知唔知呀。有事出黎就扮晒野副院長先生，好彩佢都識收聲叫我地返去做自己野，佢再試下講，我諗我個反應唔只咁樣。我諗無乜幾個會見我嚴肅左個樣，俾佢看到了~

~~~如果佢想聽完整版可能係咁樣...

佢話：同學你遲到喎，招呼都唔打聲嘅? 過過黎先~
回答：唔通上上下堂無啦啦返黎打招呼呀? 萬一我打左又話我打斷上課咁點算呀? 我又唔知你係咪傾緊計? 費事打擾你啦，同埋唔講唔知你係副院長，我認樣比較差，真係唔好意思，我以為你係黎講座~
佢問：你成日遲到架?
回答：我好少遲到架喎
佢話：遲左成半個鐘? 係咪火車撞左所以遲咁多? (扮幽默)
回答：唔係呀，我係坐巴士，跟住再轉車
佢又話：遲到半個鐘喎..
回答：其實係咁嘅，因為喺屋企差唔多日日都做功課做到一兩點先有得訓，返到屋企食埋飯都成八九點，每日都六七點起身，由港島區去到新界區，巴士係唔會準時到站，車係每日塞法都唔同，我早半個鐘佢可以塞返，我遲半個鐘又可能準時到添，重要我尋日為左交功課趕住做
如果佢問：好多功課?
回答：多唔多定義個個唔同，我就覺得多啦，今日要交報章case+present，聽日要test，後日交assignment，大後日要傾同做星期一個project，下星期一就要presentation，下星期二就要另一個科嘅project半製成品同埋另一個project，下星期三交第個demo嘅project，到星期四就傾下點完成另一個科project，再下個星期又test，重有其他添嘅...咁樣算唔算多?
如果佢問：應該俾左好多時間你做架喎
回答：無錯的確係好多時間，但係我要處理嘅唔係一科，做嘅時間唔係一個鐘。同埋上星期三開始已經幫學校手搞open day d野，星期六重特登返黎幫手睇場。時間就是金錢，我時間同金錢都為學校放到open day上，即使個fd有幾百蚊只係幾個鐘嘅part time我都拒絕，地點重要近一半，唔想答應幫手又食言，所以我少左一天時間做功課。
佢話：遲到咁耐第時做唔到紀律部隊架啦喎
回答：我讀嘅係多媒體，最多只係會影d紀律部隊。
跟住講左d偉大嘅道理，第時返工點算成日遲到?
回答：首先要講嘅係我已經回應左~好少，唔好用成日。第二，我做過嘅past time job無遲到過，係病左果日無返，所以唔洗擔心囉。我就唔信你病左都會返工，返左去做帶菌? 第三，如果你真係咁擔心，或者你得閒打下電話問候下半班同學仔點解無返啦副院長先生?

如果唔係呀sir開到口我就唔會幫學校手，見佢咁有善意我同個fd就去，跟住我地重幫手叫同學去，計工作時數又好，hea又好。估唔到花咁多時間幫手，因為遲到咁啱見到佢而被責，我學校幫手做果時佢知唔知先? 我由四樓去到地下幫手貼board，佢有冇出黎多謝我呀? 星期六特登返黎幫手睇場，佢有冇包車錢包lunch俾我地先，唔係諗住俾野飲食塊餅當lunch，咁有誠意嘛? 唔計長途車錢，唔計我個part time無左幾多錢，幫手做六個鐘，食個飯盒唔係好過份即嘛? 副院長先生~ 我記得我以前果間都有架喎~
下次呀sir叫幫手，真係sorry我好多功課，我嘅工作時數同個fd一樣，已經俾原定超過一倍，咪話我無誠意返學。我鍾意狼網重多過張感謝狀，果張紙對我無乜成功感，而且感謝狀早前已經有，多都無謂。 如果話我小氣? 誠實咁講oh, yes i am~XD

後尾第二科，聽第科個呀SIR講~
呀sir大約講：某個呀sir教得差，俾差唔多成班人投訴，跟住副院長就出動，通常都係朝早果d時間，點都要出黎做下樣架嘛，點知咁唔好彩抽中你地科。無人講呢件事可能令上頭覺得管唔到，咪做下樣黎下呢度囉。第日應該唔會見到佢~

我諗因為我科係科主任助理教，加上個室喺地下果層，條友緊係懶得上去，咪地下喺學校入面高級d面前做下樣，指下佢又指下同學。
我知道呀sir都尷尬，我都盡量回答，所以上面好多野都無講出口已經，呀sir都知道我地做功課真係好鬼忙，佢見我地遲到其實無乜理嘅，我地真係又做功課，有時又做job，有時會遲左起身就遲到，加上果科其實教嘅野比較少，上堂主要做功課，所以呀sir都放寬d。但係因為條友出一出黎，搞到我地真係要咁緊，佢真係得閒無野痾，唔知內情唔好扮晒嚴，扮晒有規矩。呢家搞到呀sir話遲到當無交功課計，吃蕉吧，那個該死的東西。

WOW

紅蓮吞拿魚睇晒呀? 咁勁抽 XD

今日同學們都好似知道，對我講：你果日真係好慘 XD
我只可以回應：真係不幸嘅一天
呀sir又喺度唔好意講故事啦，加上跟住要test，我都繼續溫緊同阻住人地溫，叫佢地教我又教下佢 XD

咁多字鎵你抄番黎

係呀係呀，抄到成個狼網都係啦多路仔