今日要走堂，開完會後...

由狼仔周三 1月 16, 2013 8:09 pm

今日又去RTHK開會，無得...頂呀，總結黎講，佢地部門做嘅野少左，我地做嘅野更多更深，佢地有人工，我地當義工。唔係計Project分係絕對唔會做。首先無人工，開會無車支，首先嘅野都無重有咩好感。
條友講到好似減少左我地系統上嘅咁，其實又再加返其他要素。
我地做完個系統計時，佢又話做埋計能量。
然後我地Design完，佢又話有department做，我地又要起個名俾佢。
起左堆名又唔夠，又要我地諗多D，你估成幾個月做你公司架咩。
跟住做完一切，圖片又要出問題問 (似百萬富翁)，用佢個網果D比賽圖做，圖片唔係問題，問題係個問題，要出40題一個月，跟住第個月佢諗住雙倍，你有冇問題呀? 多D問題話豐富D，你就真係富啦，你估我地淨係出問題呀? 洗人唔洗本。
搞好晒d野諗住開會，四日前講改style，加圖片加問題，你估我地做報紙架? 話改版呀改版，改完又話有人做。不如我地做design，你地部門做program啦。
成個禮拜主因因為呢舊野，一日訓得5個鐘唔知有冇，我都還好，我兩個主力program更慘，重要handle其他科嘅projects。
又要新年前定時開個會，驚我地玩會散，開個會睇進度，你唔好去死，我地聖誕放假咪搞緊你舊死人野囉!! 咪邊有咁多野demo出黎呀!!
跟住又話等我地四月前交project要做晒，跟住話佢地都要幫手test下d bug，應該都會就返時間去改，所以要盡快做好。我心諗你係驚我地交左project就唔理呢舊野，到時就要佢地部門跟返咋掛，的確我地過左係唔會再理。
點解咁勞氣，因為無人工，無人工叫我地去邊度下左呢啖氣，精神創傷都未計賠償金呀。電台搞活動大晒呀!? 基本上IVE幫RTHK做嘅人，十個九個都對佢地無好感，又無錢又要面，吃蕉啦。 Exclamation