又俾呀sir扇左一鑊

個group project其中一part整左個管理版面嘅網頁，咁管理版面好正常係易用易睇load得快最好，咁我有咁少圖得咁少圖，整整齊齊咁就算，之前呀sir睇過佢又無乜表示，跟住今日無啦啦又話個版面要改改佢，又俾左D例子佢想我地點搞，我地話呢個係管理版面黎喎 ，跟住呀sir叫我地唔好理，整到似商業化果隻專業網頁，我係心諗又唔早講......我本身係跟住果間公司嘅網頁style做個管理版面，然後呀sir又話唔好跟，果個d機構網無商業網咁pro......好的，只好說我輸了...他們俾分的，我只好跟著做

有兩個呀sir睇，一個呀sir就打開個網話俾佢個網我地睇下佢想我地做到咩地步嘅圖，話d掣要立體d好似apps機d掣咁上下。
系主任：依~ SHOW野?
個FD話：我地準備鼓掌
系主任：要準備煙花先得呀

跟住load左成幾分鐘無畫面。
呀sir話系主任XD：叫左你同上面反映下架啦，load網load得咁鬼慢!!
系主任：其實係咪load完架啦，咁嘅樣架嘛~
一分鐘後有畫面，跟住系主任大笑XD，
畫面寫住：抱歉，無法連結這個網頁位置。^^
原來真相就係咁樣XD...

跟住佢搵返條Link，load完出黎，係咁樣嘅，跟住我一睇，佢個網個系統應該係購物系統黎，我都好想整到呢個level其實，不過重點係睇佢d掣，點知佢話XD：拿...都係咁啦，真係唔好意思，原來我D掣都係搞到咁XD~ 不過呢照做啦，整到立體少少，唔鬼跟佢個網個style啦。

下次佢地應該早d講，整到商業化d嘅網，唔洗跟佢style，咁我會明白好多，因為管理版面同俾人瀏覽嘅版面，個人認為設計上係有差異。同埋佢地一直當我係programmer唔係designer

其實想講我都有狼網，重有上年模擬幫學校同學搵工嘅project專業d嘅版面設定系統網，都有一個關於商業巿場嘅網design，真係好想講我係明白，其實佢地只要講一聲想咩style同埋咩類嘅網就可以一步步做
不過重點都係佢地一直視我為programmer，因為我組人主打都係program，同埋呢班導師都係第一年教我地

狼仔好勁咁XD

唔勁少少都唔得，好慘就黎搵工